သင် အမှန်တကယ် ပျော်ရွှင်ပါသလား။ ပျော်ရွှင်မှုဆိုတာဘာလဲဆိုတာရယ်၊
အဲဒီပျော်ရွှင်မှုကိုရဖို့ ဘာတွေလိုအပ်တယ်ဆိုတာကို သိပါသလား။ ဒါဟာ
ပျော်ရွှင်မှုကို ရှာဖွေနေတဲ့လူတိုင်းအတွက် အရေးကြီးတဲ့ မေးခွန်းတွေပါပဲ။
သင်ဟာ ပျော်ရွှင်နိုင်ပါတယ်၊ ပျော်ရွှင်သင့်ပါတယ်။ လူအများစုကတော့ သူတို့ဟာ
ပျော်ရွှင်မှုနဲ့ မထိုက်တန်ဘူးလို့ ယုံကြည်နေကြပြီး မပျော်ရွှင်မှုကိုပဲ
သူတို့ကံကြမ္မာရဲ့ အစိတ်အပိုင်းတစ်ခုအဖြစ် လက်ခံလိုက်ကြပါတယ်။
အမှန်တကယ်တော့၊ ပျော်ရွှင်မှုဟာ တခြားအရာတွေလိုပါပဲ၊
ပြုစုပျိုးထောင်ပေးရပါတယ်။ ဒီအောက်က အချက်တွေကတော့ ကျနော့်ဘ၀မှာ
ပျော်ရွှင်မှုကို ဖန်တီးဖို့ ကျနော်အသုံးပြုတဲ့ အချက်တွေပါပဲ။
၁။ ပျော်ရွှင်မှုကို ဦးစားပေးပါ
အကယ်၍ ပျော်ရွှင်မှုဟာ သင့်စာရင်းရဲ့ ထိပ်ဆုံးမှာ ရှိမနေဘူးဆိုရင် သင့်ကို တခြားကိစ္စတွေကပဲ လွှမ်းမိုးသွားပါလိမ့်မယ်။
အဲဒါတွေက သင့်ရဲ့ ပျော်ရွှင်မှုကို နှောင့်ယှက်နိုင်ပါတယ်။
ဒါကြောင့် သင့်ရဲ့ ဦးစားပေးအရာများထဲမှာ ပျော်ရွှင်မှုကို ထိပ်ဆုံးက ထားပါ။
၂။ သင့်ကို ပျော်ရွှင်စေသောအရာများကို ပြုလုပ်ပါ
ဒီအချက်ကို ကြားဖူးကြပါတယ်။ ဒါပေမဲ့ လူအတော်များများကတော့ သူတို့ကို ပျော်ရွှင်စေတဲ့အရာတွေကို ပြုလုပ်ဖို့ မေ့လျော့နေတတ်ကြပါတယ်။
သင့်ကို ဘယ်အရာက ပျော်ရွှင်စေပါသလဲ။ အဲဒါကို သင့်ရဲ့နှလုံးသားက သိပါတယ်။
နှလုံးသား ခေါ်ဆောင်ရာကို လိုက်ပါ။ Steve Jobs က ပြောခဲ့ပါတယ်။ သင်ဟာ
သင့်ရဲ့ နှလုံးသားခေါ်ဆောင်ရာနောက်ကို မလိုက်ဖို့အတွက်
အကြောင်းပြချက်မရှိပါဘူး – တဲ့။
လူတိုင်းလူတိုင်းမှာ ပျော်ရွှင်မှုကို ရရှိဖို့ လိုအပ်ချက်တွေကိုယ်စီ
ရှိကြပါတယ်။ လူတစ်ယောက်ကို ပျော်ရွှင်စေတဲ့အရာတစ်ခုဟာ
တခြားလူတစ်ယောက်အဖို့တော့ ပျော်စရာ ဟုတ်ချင်မှ ဟုတ်မယ်။
သင့်ကို ဘယ်အရာတွေက ပျော်ရွှင်စေသလဲ။ သင် ဘယ်အရာကို ၀ါသနာပါသလဲ။
အဲဒီအရာတွေကို ပြုလုပ်ပါ။ သင့်သူငယ်ချင်းတွေရဲ့ အကြိုက်နဲ့ မတူညီလည်း
မစိုးရိမ်ပါနဲ့။
၃။ သင့်ကိုယ်သင် ချစ်ခင်ပါ
ကျနော်တို့ဟာ တခြားသူတွေရဲ့ ချစ်ခြင်းမေတ္တာကို မရခင်မှာ ကိုယ့်ကိုယ်ကိုယ် ချစ်ခင်ဖို့လိုပါတယ်။
သင်ဟာ သင့်ရဲ့ ရုပ်ရည်၊ ဒါမှမဟုတ် သင့်ရဲ့ခန္ဓာကိုယ်နဲ့ပတ်သက်လို့ သင့်ကိုယ်သင် သဘောမကျတာ ရှိချင်ရှိမယ်။
အဲဒါအတွေးတွေက သင့်ရဲ့ ပျော်ရွှင်မှုကို ဖျက်ဆီးနိုင်ပါတယ်။
ကိုယ့်ကိုယ်ကိုယ် သဘောမကျတဲ့သူဟာ ဘယ်မှာ ပျော်ရွှင်နိုင်ပါ့မလဲ။
သင့်ကိုယ်သင် ချစ်ခင်ပါ။
ဒါဟာ ပျော်ရွှင်မှုရဲ့ အဓိက သော့ချက်ပါပဲ။
၎။ သင့်အတွက် အရေးအကြီးဆုံးသူများကို အချိန်ပေးပါ
သင့်ကိုယ်သင် ချစ်ခင်ဖို့လိုအပ်သလို တခြားသူတွေရဲ့ချစ်ခင်မှုကို ရရှိခြင်းဟာလည်း သင့်ကို ပျော်ရွှင်စေပါတယ်။
သင့်အတွက် အရေးအကြီးဆုံးသူတွေဟာ ဘယ်သူတွေလဲ။
သင့်ရဲ့ မိသားစုနဲ့ သင့်ရဲ့ အချစ်ဆုံးသူငယ်ချင်းတွေပဲပေါ့။
သူတို့နဲ့အတူ အချိန်တွေကို ကုန်လွန်ပါ။
ပျော်ရွှင်တဲ့ မိသားစု နဲ့ ပျော်ရွှင်တဲ့ ပေါင်းသင်းဆက်ဆံရေးတွေက သင့်ကို ပြီးပြည့်စုံတဲ့လူတစ်ယောက်လို ခံစားရစေပါလိမ့်မယ်။
၅။ ကျန်းမာအောင် နေထိုင်ပါ
သင့်ရဲ့ကျန်းမာရေးကို ထိန်းသိမ်းထားနိုင်ခြင်းကလည်း ပျော်ရွှင်မှုကို
ရရှိစေမယ့် နည်းလမ်းတစ်ခုပါပဲ။ အ၀လွန်နေရင် ဒါမှမဟုတ်
ခွန်အားဖြစ်စေတဲ့အစားအစာတွေ မစားဘူးဆိုရင် အဲဒါတွေက သင့်ရဲ့
စိတ်ခံစားမှုကို ထိခိုက်စေပါတယ်။ သင်ဟာ နေမကောင်းဘူး၊ အမြဲတမ်း
ဖျားနေမယ်ဆိုရင်တော့ ပျော်ရွှင်မှုဟာ ခက်ခဲပါလိမ့်မယ်။
ကောင်းစွာစားပါ။ လှုပ်လှုပ်ရှားရှားနေပါ။ လေ့ကျင့်ခန်းတွေ ပုံမှန်လုပ်ပါ။
သင့်ကိုယ်သင် ဂရုစိုက်ပါ။ အိပ်ရေးဝအောင် အိပ်ပါ။ တစ်ခါတစ်ရံမှာ နားချိန်ယူပါ။ သက်သောင့်သက်သာ နေပါ။
ဒါမှမဟုတ် မိနစ်အနည်းငယ်လောက်ယူပြီး ၀င်လေထွက်လေကို အာရုံစိုက်ပါ။ ( Meditation လုပ်တာကို ဆိုလိုပါတယ်။ )
အဲဒါတွေက သင့်ကျန်းမာရေးကို ကောင်းမွန်စေပြီး သင့်ကို ပျော်ရွှင်စေပါတယ်။
၆။ သင့်ရဲ့အချိန်ကို ကောင်းစွာ စီမံခန့်ခွဲပါ
ပျော်ရွှင်တဲ့လူတွေဟာ သူတို့ဘ၀ကိုယ်သူတို့ ကောင်းစွာထိန်းချုပ်နိုင်တယ်လို့ ယုံကြည်ကြတယ်။
သင့်ရဲ့အချိန်ကို စီမံခန့်ခွဲနိုင်မယ်ဆိုရင် သင်ဟာ
အချိန်နည်းနည်းအတွင်းမှာ အလုပ်တွေအများကြီးကို ပြီးအောင်လုပ်နိုင်တယ်။
အဲဒီအခါ သင့်ကိုယ်သင် ယုံကြည်မှု ပိုရှိလာတယ်။ သင့်အတွက်
ကိုယ်ပိုင်အချိန်တွေလည်း ပိုရလာတယ်။
သင် လုပ်နေတဲ့အရာတွေဟာ အရေးကြီးတဲ့အရာတွေသာ ဖြစ်ပါစေ။
အရေးအကြီးဆုံးအရာများကို အရင်ဆုံးလုပ်ပါ။ ( အချိန်ကို ကောင်းစွာ
စီမံခန့်ခွဲနိုင်ဖို့ နည်းလမ်းတွေကို
ဒီနေရာမှာ ဖတ်နိုင်ပါတယ် )
သင့်ရဲ့ အချိန်ကို စီမံခန့်ခွဲနိုင်မယ်ဆိုရင် သင့်ရဲ့ဘ၀ဟာ ပိုပြီး
ဟန်ချက်ညီလာပါတယ်။ သင့်ရဲ့ ကျောင်းအတွက်၊ မိသားစုအတွက်၊
သူငယ်ချင်းတွေအတွက်၊ သင်ဝါသနာပါတဲ့အလုပ်တွေအတွက် အချိန်ပေးနိုင်လာပါတယ်။
အထက်မှာ ဖော်ပြခဲ့တဲ့ အချက်တွေဟာ သင့်ကို ပျော်ရွှင်စေမယ့် (ရေရှည်ခံမယ့် ပျော်ရွှင်မှုမျိုးကို ရရှိစေမယ့်) နည်းလမ်းတွေပါပဲ။
ဒီနည်းလမ်းတွေကို အသုံးပြုပါ။
သင့်ရဲ့ ဘ၀မှာ ပျော်ရွှင်မှုကို တည်ဆောက်ပါ။
Ref: 20 Simple Tips To Be Happy Now by Dr. Timothy Sharp
Get Your FREE e-book Now:
ပိုပြီးပျော်ရွှင်ဖို့အတွက် (၇)ရက်သင်တန်း ( တက်ခေါင်- မြန်မာပြန်သည် )
Read or Download Here!
